فداء الجواهري
02-08-2005, 08:33 PM
السلام عليكم اخواني اسرة المنورة
اليكم هذة القصيده للشاعر الاديب جابر الكاظمي الله يحفظه وهي بعنوان
أرد أنفض تراب القهر
أرد أنفض تراب القهر وارد اخلع ثياب الكدر ....
واتخطى هامات النجم وامشي على خدود القمر ....
وارد اجعل خيوط الشمس قيثارة واعزف على الوتر....
واخطب الفرحة للقلب وعيوني للزفة مهر ....
شتفيد دنيا بلا عشق شيفيد ليل بلا سهر ....
صدقني قلب ال مايحب راعيه ما عنده نظر ....
وماعنده تفكير الذي يميز النفع من الضرر ....
لو ما عشق هاي الأرض لو مانحب ماي المطر ....
ما جان وردة تفتحت ولا بالغصن يطلع ثمر ....
ولا موجة ترقص بالهوا وتغازل جروف النهر ....
ولا عندليب بنغمته يغني على غصون الشجر ....
هذا العشق يا أهل العشق العشق صورة من الصور...
بحب الإله ورحمته هادينا للدنيا ظهر ....
بدافع محبته المصطفى بحب الوصي حيدر أمر ....
وذول احنا خلانا الهوى نرسم إلك أحلى الصور ....
نحب الرسول المصطفى والزهرة والإثني عشر ....
ونصيح يارب السما بجاه الميامين الغرر ....
يا رب صل على النبي وآل النبي سيد البشر ....
تحيــــاتي
أختكم /فداء الجواهري
اليكم هذة القصيده للشاعر الاديب جابر الكاظمي الله يحفظه وهي بعنوان
أرد أنفض تراب القهر
أرد أنفض تراب القهر وارد اخلع ثياب الكدر ....
واتخطى هامات النجم وامشي على خدود القمر ....
وارد اجعل خيوط الشمس قيثارة واعزف على الوتر....
واخطب الفرحة للقلب وعيوني للزفة مهر ....
شتفيد دنيا بلا عشق شيفيد ليل بلا سهر ....
صدقني قلب ال مايحب راعيه ما عنده نظر ....
وماعنده تفكير الذي يميز النفع من الضرر ....
لو ما عشق هاي الأرض لو مانحب ماي المطر ....
ما جان وردة تفتحت ولا بالغصن يطلع ثمر ....
ولا موجة ترقص بالهوا وتغازل جروف النهر ....
ولا عندليب بنغمته يغني على غصون الشجر ....
هذا العشق يا أهل العشق العشق صورة من الصور...
بحب الإله ورحمته هادينا للدنيا ظهر ....
بدافع محبته المصطفى بحب الوصي حيدر أمر ....
وذول احنا خلانا الهوى نرسم إلك أحلى الصور ....
نحب الرسول المصطفى والزهرة والإثني عشر ....
ونصيح يارب السما بجاه الميامين الغرر ....
يا رب صل على النبي وآل النبي سيد البشر ....
تحيــــاتي
أختكم /فداء الجواهري