بسم الله الرحمن الرحيم
اللهم صل على محمد و آل محمد و عجّفل فرجهم الشريف
السلام عليكم ورحمة الله تعالى وبركاته

بسم الله الرحمن الرحيم

اللهم صل على محمد و آل محمد و عجّل فرجهم الشريف

هذه قصيدة متواضعة تصف حال السيدة زينب العقيلة ( ع ) و هي على قبر أمّها السيدة فاطمة الزهراء ( ع ) بعد رجوع ظعن السبايا من كربلاء :


زينب على گبر البتوله گعدت اتنوح
تذرف مدامعها ابدما و الگلب مجروح
اتصيح افجعتني كربله يا مهجة الروح

أرد اخبرچ باللي جرى گعدي اسمعيني

* * * * * *
اتگلها ييمّه شالجرى اعلينا بلطفوف
ريتچ حضرتي يا بتوله و عينچ اتشوف
زمرة أميّه ما رعت بالآل معروف

شحچي و شگول امن الجرى من تنشديني

* * * * * *
صدرچ يفاطم كسرت اضلوعه الأعادي
و احسين اخويه هشمت صدره العوادي
عيني تعاينهم و انا أبچي و انادي

وين النبي و المرتضى و فاطم تجيني

* * * * * *
من عصرة الطاغي وگع محسن بلعتاب
و عبدالله يا وسفه ابسهم من حرمله انصاب
اشحال امّه حين الشافته و ابنحره نشّاب

امن اذكر رباب اويا الطفل يكثر حنيني

* * * * * *
وجّوا يزهره هالصحابه الباب بالنار
و احنا ييمّه حرگوا اخيمنا هالاشرار
حرگوا خيمنا و بالخيم نسوان و ازغار

كل هذا يا يمّه جرى و اتشوفه عيني

* * * * * *
گلبچ فزع من شفتي حيدر يسحبونه
خفتي علينا هالأعادي اييتمونا
اشحالي و انا خويه انذبح و احنا سبونا

بعده بگيت امحيّره ابحالة بنيني

* * * * * *
من ضرب لسياط المتن منچ تورّم
و آنا من اسياط العدى متني نزف دم
و آنا ييمّه لا أبو عندي و لا عم

و اخواني كلها امصرعّه و آنا ابونيني

* * * * * *
اللهم إنها منك فاجعلها إليك و تقبّلها بأحسن قبولك يا ألله
اللهم صل على محمد و آل محمد

[فقط الأعضاء المسجلين والمفعلين يمكنهم رؤية الوصلات]

شـكــ وبارك الله فيك ـــرا لك ... لك مني أجمل تحية .

الله أكبر

ربي يعطيك الف عافيه وبارك الله فيه

ولك مني أصدق تحيه