أم عرجــــون [الأرشيف] - شبكة المنورة الثقافية

مشاهدة النسخة كاملة : أم عرجــــون

ابنة فاطمة (ع)

18-07-2010, 04:35 AM

بسم الله الرحمن الرحيم

في صباح جميل,, كانت إحدى جداتي في بيتنا تستعد للسفر مع أمي
تراهم جايينكم المدينة خلوهم بعيونكم هااااااااا << يا بنت خلك عالفصيح

الموووهم, اخواني الصغار فشلونا قاموا يتخانقون
واحد يطفش الثاني وواحد يصيح

راحت جدتي بتراضي اللي يصيح وقالت بتقول له قصة :144:
وطبعاً هو قعد يتدلع وما جا لها, بس حمااااامة السلام تحمست
راحت تركض وتمددت بنص الصالة وقالت لجدتها تقول القصة وتطنش هالبزارين, بدت ماما عودة وهم لسة يركضون ورا بعض وواحد يضحك واحد يصيح
بس بعد شوي عجبهم الوضع وجوا سووا مثلي بالظببببط

شوقالت جدتي؟؟

في وحدة اسمها أم عرجون, قالت لها جارتها نطي النهر وتعالي البيت
قالت أم عرجون ماني ناطة ولاني جاية بيتكم
قالت لها جارتها ان ما نطيتي وجيتي بقول لزوجك يضربك
قالت ام عرجون قولي له

راحت المرة وقالت للرجال
يا رجال يا رجال روح اضرب أم عرجون
أم عرجون مو راضية تنط (الساب على قولة جدتي) ولا تجي البيت
قال الرجال لاني رايح ولاني ضاربنها

قالت له ترا بقول للكلب يجي يعضك
قال قولي له

راحت للكلب
قالت له يا كلب يا كلب تعال عض الرجال
الرجال مو راضي يضرب أم عرجون
وأم عرجون مو راضية تنط الياب وتجي البيت

قال الكلب ماني رايح ولا عاض الرجال
قالت له ترا بقول للعصا تجي تضربك
قال لها قولي لها

راحت المرا للعصا وقالت لها
يا عصا يا عصا روحي اضربي الطلب
الكلب مو راضي يعض الرجال
والرجال مو راضي يضرب أم عرجون
وأم عرجون مو راضية تنط الساب وتجي البيت

قالت العصا ما بضرب الكلب
قالت المرا ترا بقول للنار تحرقك
قالت العصا قولي لها

راحت المرة للنار قالت لها
يا نار يا نار
روحي احرقي العصا
لأن العصا مو راضية تضرب الكلب
والكلب مو راضي يعض الرجال
والرجال مو راضي يضرب أم عرجون
وأم عرجون مو راضية تنط الياب وتجي البيت

قالت النار لاني حارقة العصا ولا هم يحزنون
قالت لها المرا ترا بقول للماي يطفيك
قالت النار قولي له

راحت المرا للماي وقالت له
يا ماي يا ماي روح طفي النار
النار مو راضية تحرق العصا
والعصا مو راضية تضرب الكلب
والكلب مو راضي يعض الرجال
والرجال مو راضي يضرب أم عرجون
وأم عرجون مو راضية تنط الساب وتجي البيت

قال الماي لاني مطفيها ولا شي
قالت له المرا ترا بقول للجمل يشربك
قال الماي قوليله

راحت المرا للجمل وقالت له
يا جمل يا جمل روح اشرب الماي
الماي مو راضي يطفي النار
والنار مو راضية تحرق العصا
والعصا مو راضية تضرب الكلب
والكلب مو راضي يعض الرجال
والرجال مو راضي يضرب أم عرجون
وأم عرجون مو راضية تنط الساب وتجي البيت

راح الجمل بيشرب الماي
قال الماي بطفي النار
قالت النار بحرق العصا
قالت العصا بضرب الكلب
قال الكلب بعض الرجال
قال الرجال بضرب أم عرجون
قامت أم عرجون ونطت الساب وراحت بيتهم

ها نمتوا أو لسة؟؟

ابنة فاطمة (ع)

18-07-2010, 04:41 AM

لحظة لحظة قبل ما تنامون بقول لكم

من ضمن الأناشيد اللي كننا نقولها واحنا صغار:

بدر وأنيس
في الأوتوبيس
صاح بدر وضحك أنيس

قرر البوليس
بحبس أنيس
يوم الجمعة والخميس

قال الجبن
ماني جبن
لأن الفأر يأكلني

قال الفأر
ماني فأر
لأن القط يأكلني

قال القط
ماني قط
لأن الكلب يأكلني

قال الكلب
ماني كلب
لأن العصا تضربني

قالت العصا
ماني عصا
لأن النار تحرقني

قالت النار
ماني نار
لأن الماء يطفؤني

قال الماء
ماني ماء
لأن البشر يشربني

قال البشر
ماني بشر
لأن الله يعاقبني
يعاقبني
يعاقبني

:159:
يوم جدتي كانت تقول القصة تذكرت هالنشيدة

آآيآآآآآآآآآم

احترامي

وديعة

18-07-2010, 04:45 AM

بدون شي فيني النوم
خلآص رحت فيهآ
خوش قصة للنوم :)

أصيلة

18-07-2010, 05:06 AM

بروح اسوي لي شاي
اللي جاه النوم هذا الدلة

ابنة فاطمة (ع)

18-07-2010, 05:12 AM

اللهم صل على محمد وآل محمد

ناموا لولوووووو
يا حبو حلولوووووووو

<< متأثرة بالتنويم

احترامي

قمرهم كلهم

18-07-2010, 08:49 AM

من زماااااااااااااااااااااااااااا ان ودي اعرف ام عرجون وقصتها

تسلمي

وافينا بقصص جدتك الراااائعه

ولد طابه

18-07-2010, 10:58 AM

مشكوووووور والله يعطيك الف عافيه
المشكله جاني النوم ونى توي صاحي
تحياتي ولد طابه

أمنية الكرام

18-07-2010, 12:43 PM

ابنة فاطمة (ع)

18-07-2010, 01:08 PM

اللهم صل على محمد وآل محمد

قمرهم :
هههههه تدرين عاد
طلعوا اخواني الصغار يعرفونها قبلي,, وطفشوني كل شوي يقاطعون جدتي
شكلها أمي قايلتها لهم من قبل

قالت قصة ثانية بعد
بس خسارة ما فهمت منها شي علشان أقولها هع
:159:

ولد طابة:
:171:
لازم يجيك النوم,, هذا منوم من نوع آخر
خخخخخ

احترامي

خُزامى

18-07-2010, 01:43 PM

طيب انا ما جاني النوم
كملي القصه
هههههههههههههههه

ابنة فاطمة (ع)

18-07-2010, 04:07 PM

لحظة لحظة أي نوم ..؟

الوقت الحين الظهر والقصة ماخلصت :
راحت ام عرجون للجمل وقالت له
يا جمل يا جمل روح اشرب الماي
الماي مو راضي يطفي النار
والنار مو راضية تحرق العصا
والعصا مو راضية تضرب الكلب
والكلب مو راضي يعض الرجال
والرجال مو راضي يضرب أم عرجون
وأم عرجون مو راضية تنط الساب وتجي البيت
قال الجمل ماابغى اشرب المويه لأني اصبر على الجوع والعطش
قالت له أم عرجون : انادي لك ابنة فاطمة و تشرحك وتحطك في مذكرات الصور
وراحت ام عرجون لابنة فاطمة .........( اكملي القصة)لا تاكلين باقي القصة
اللي يبدا عمل يكمله مافي نوم !!:228:
لالالالالالالا مو بكيفه ما يشرب
ان ما شرب لاوزعه ذبيحة<< انتي تجرأي تقربين منه وبعدين قولي بتذبحينه

دامك قلتي جمل وذكريات مصورة,, نطروني براويكم صورة جمل صورته
هناك طبعاً..!

......................
.......................
والمفتاح عند الحداد
والحداد يبغي فلوس
والفلوس عند العروس
والعروس رجل
والرجل يبغي عيال
والعيال يبغوا الحليب
والحليب عند البقر
والبقر يبغوا الحشيش
....................

والحشيش فوق الجبل
والجبل يبي مطر
والمطر من عند الله
لا إله إلا الله
محمد رسول الله
علي ولي الله
هيييييي << الصرخة تبع النهاية هههههه

حشيش؟!!!! هذه لو سمعونا نغنيها الحين نروح ورا الشمس
قصة تراثية جميلة ، وما اجمل تراثنا العربي الأصيل
بوركت صغيرتي / متى تكبرين ؟

مو ناوية
شحلاتها الطفولة,, تهبل

احترامي

ابنة فاطمة (ع)

18-07-2010, 04:32 PM

شوفوا عاد أنا مالي شغل

مو مني ,, أمنية الكرام ردها ذكرني بأشياء علشان أهذر زيادة
هذي النشيدة اللي المفتاح عند الحداد والحداد يبي فلوس
سمعتها باليمني
اكتشفت ان نشيدتنا ناعمة وش حلوها,,
احنا نقول حمامة نودي نودي هم يا بقرة صبي لبن
هع

[فقط الأعضاء المسجلين والمفعلين يمكنهم رؤية الوصلات]

ابنة فاطمة (ع)

18-07-2010, 04:36 PM

طيب انا ما جاني النوم
كملي القصه
هههههههههههههههه
كمـــــــــان؟؟
أخاف ان كملت أحد يدخل غيبوبة

التكملة عند أمنية :187:

قباوي

18-07-2010, 09:42 PM

يالله والله ذكرتوني لمن كنت صغير وامي تقولي نفس هالحكاية بس برواية محتلفة
بداية الحكاية ناسيها !! المهم في حبة بندق طاحت من بيت خالة مدري مين ناسيها بس مو ام عرجون
وجا الفار السق سق اللي آكل الحبة البندق اللي مدري من وين جات
وبعدين جا البس النونو اللي آكل الفار السق سق اللي آكل البنقد مدري من وين
جا الكلب الهوهو اللي آكل البس النونو
جات العصاية الدقي اللي ضربت الكلب الهوهو ....
جات النار الأوفة اللي حرقة العصاية الدقي
جات الموية البوة اللي طفت النار الأوفة
وطويلة فيها بقران ومدري شنو

أقولكم حكاية عديسة أم العباير والا حمدة ومسيويطة ..؟!

حشيش؟!!!! هذه لو سمعونا نغنيها الحين نروح ورا الشمس
قصة تراثية جميلة ، وما اجمل تراثنا العربي الأصيل

هههههههههه مت ضحك

يسلمووووووووو حمامة

أشواقي

ابنة فاطمة (ع)

18-07-2010, 10:36 PM

يالله والله ذكرتوني لمن كنت صغير وامي تقولي نفس هالحكاية بس برواية محتلفة
بداية الحكاية ناسيها !! المهم في حبة بندق طاحت من بيت خالة مدري مين ناسيها بس مو ام عرجون
وجا الفار السق سق اللي آكل الحبة البندق اللي مدري من وين جات
وبعدين جا البس النونو اللي آكل الفار السق سق اللي آكل البنقد مدري من وين
جا الكلب الهوهو اللي آكل البس النونو
جات العصاية الدقي اللي ضربت الكلب الهوهو ....
جات النار الأوفة اللي حرقة العصاية الدقي
جات الموية البوة اللي طفت النار الأوفة
وطويلة فيها بقران ومدري شنو

أقولكم حكاية عديسة أم العباير والا حمدة ومسيويطة ..؟!

هههههههههه مت ضحك

يسلمووووووووو حمامة

أشواقي

ههههههههههه
قصتكم متطورة
فيها سب سب وسق سق
<< البنت قرتهم وما فهمت وش سالفتهم

اي اي يلا القصة العديسة والثانية اللي ما أعرف أنطقها
:69:

بقاياروح

18-07-2010, 10:55 PM

الله يرحمها جدت ابوي كانت تقول لينا قصص بس نسيتها

عاد نستانس نتجمع الجهال جنبها وهي تجلس تقول لينا

الحين جدي يقول لينا قصص ويطلع هو بطلها في النهايه خخخخ

تسسلمي غناتي ع القصه الحلوة

مودتي

همسة دفا

19-07-2010, 06:50 AM

مع اني دايخه احس يوم قرات القصة تصحصحت ههههههههههههههههههههههههه

ايش هذا مضاد للنوم القصة تبعكم ولا ايش السالفه

وايش عديسه والله جا في بالي انها اكله خخخخخخخخخخخخخخخخخخخخخ

كملو كملو يمكن يجيني النوم << بس الظاهر ماراح يجي

تحياتي

ابنة فاطمة (ع)

19-07-2010, 10:56 AM

اللهم صل على محمد وآل محمد

بقايا روح:
هههههههههههههه حبييييييتها سالفة ان جدك بالنهاية يطلع بطلها
يا حلوهم الجدات لي قاموا يقولون قصصهم
حنونااات

<< مرة عمار ومحمد اللي هم اخواني الصغار كانوا بينامون, قلت بسوي نفسي فلة وبقول لهم قصة
بديت في قصة ليلى والذئب طلعوا حافظينها أحسن مني وكملوا الناقص هع

همسة دفا:
هههههه ايييي حتى أنا حسيتها أكلة
عدساية خخخخ

شكلها عينكم تتفاعل ويا أذونكم بالشقلوب,, إذا أنا جاتني النومة كيف صحصحتوا!

شووووكراً بنوتات
احترامي

أمنية الكرام

19-07-2010, 12:14 PM

نكمل مع شهرزاد لليوم التالي على التوالي / اللي يبغى ينام يقوم يغسل وجهه

قال الجمل ماابغى اشرب المويه لأني اصبر على الجوع والعطش
قالت له أم عرجون : انادي لك ابنة فاطمة و تشرحك وتحطك في مذكرات الصور
وراحت ام عرجون لابنة فاطمة وقالت لها:
يابنت يابنوته يا أحلى من البسكوته ،روحي للجمل واذبحيه ذبيحة وشرحيه تشريحة
لأن الجمل مو راضي يشرب المويه(هذه حقتنا)
والماي مو راضي يطفي النار
والنار مو راضية تحرق العصا
والعصا مو راضية تضرب الكلب
والكلب مو راضي يعض الرجال
والرجال مو راضي يضرب أم عرجون
وأم عرجون مو راضية تنط الساب وتجي البيت

وإذا مارحتي وذبحتي الجمل وشرحتيه وحطيتيه بمذكرات الصور نكلم أمواج تحفظ الموضوع وحتى لو مضى عليه اسبوع ونعتبره مخالف للقوانين ويضيع مجهود السنين ... "البقية بكرة" او تكملها ابنة فاطمة لأنها عارفة القصة

ابنة فاطمة (ع)

19-07-2010, 12:45 PM

وقالت أمواج الأثير ما راح احذف الموضوع

قالت لها ترا بقول إلى .......

مدري علقت.. وش أكمل!!

خخخخ كمليها بكرة الليل قبل النوم

أصيلة

19-07-2010, 05:20 PM

قالت لأمواج حذفي الموضوع
قالت أمواج ماني حاذفته
قالت لها اوريك و الله لأروح للسلطان و اشتكيك

يا بنااااااات لا احد يتكلم بالالغاز وش دخل امواج بالجمل ؟

صغيرو

20-07-2010, 10:26 AM

يآآآآآآآآآآآآآآآآآآآآآآآآووكـ

أنا أفكرها خالتي كانت تقولها بلحن كمان ..

طيب تعرفون قصة بق و حق و دق..

أمنية الكرام

20-07-2010, 12:42 PM

قالت لأمواج حذفي الموضوع
قالت أمواج ماني حاذفته
قالت لها اوريك و الله لأروح للسلطان و اشتكيك

يا بنااااااات لا احد يتكلم بالالغاز وش دخل امواج بالجمل ؟
وين رحتي يا أصيلة ..... وصلتيها للسلطان ؟مالنا في السياسة !
نكمل أو نخليها دعاية لمسلسل(يوميات أم عرجون) في رمضان بديلاً عن (أم خماس)

قباوي

21-07-2010, 03:44 AM

طيب تعرفون قصة بق و حق و دق..

تصدق ناسيها دي !!
الله وربي ذكريات حلوة

وديعة

23-07-2010, 02:34 AM

اكتشفت ان نشيدتنا ناعمة وش حلوها,,
احنا نقول حمامة نودي نودي هم يا بقرة صبي لبن

رهييييييييبة حقت اليمنين أنا أحبهآ حيل ,,
وجاتني فترة كلا اقولها يم ربعي بالمدرسة :)
>> مسآكين فاخوا مني هع

حبة العدس هذي القصة عجيبة قصتنا تشبة قصة أهل المدينة
أذكر اني لمآ سمعتهآ تونست عليهآ حيل :)
بس الحين مااذكرهآ زين<< ياحرام

>> جاري البحث في الذاكرة .

ابنة فاطمة (ع)

23-07-2010, 12:09 PM

هالحين هي وش اسمها؟؟
عدساية؟
عديسة؟
عدسة؟
حبة عدس؟؟

طيب قولوا القصة
عالأقل علشان يمديني أتفلسف على حمود ومو أقول له البداية يطلع حافظ أحسن مني

<< صايرة جد طفلة هاليومين

احترامي