مسآء \ صبآح آلنور وآلسرور عليكم يآ أحلى أعضآء وعضوآت شبكه المنوره الثقافيه

شخبآركم ؟عسآكم بخير كلكم يا رب

أول موضوع احطه بالقسم واتمنى الكل يشاركني برايه

آلموضوع بآين مِن عنوانه صح؟

لاويه لمن تنخطب آلوحده تتغير ؟ تتكبر! يعني سلآمآآآت أول وحده تعرسي؟ ندري أول مره بس مو أول وحده تنخطبي اوتعرسي ^^

وآجد صآدفني في حيآتي وأني بصراحه ماتعجبني هآلحركات < حركات مدري وش تبي أصلاً !

يعني نخسر صديقه ؟؟ قريبه من الأهل ؟؟ السبب شنو انها انخطبت وحنا لا !!

طيب الأخلاق تتغير ليش !! الاسلوب بالكلام !! الشخصيه الي قبل لا تنخطب غير

وبعد الخطوبه غير ليش طيب !! السبب انها انخطبت والباقي لا ؟؟

طيب اني بقول عن حاله صادفتني ..

من أهلي وقريبه ليي مثل أخت وأكثر

الزيارات بينا ماتنقطع يوم أحنا عندها ويوم أهي عندنا

كل يوم اهي تتصل تعالو لي او تتصل انا بجي لكم

أنخطبت تغيرت

مايوم ترفع السماعه تقول تعالو لي !!

تتصل تقول أني بجي لكم بس تعالو لي ( من أنخطبت ماسمعتها )

طيب انخطبتي درينا وبعدين ليش التغير الجدري هذا

الكلام قبل الخطوبه غير وبعد الخطوبه غير نبي نفهم وش تغير

الي استغربه أن الي ينخطبو ويتغيرو مايحسو انهم تغيرو ابدا

ولما نقولهم يزعلو وينقهرو ويقولو بعدين حاسدينا

طيب افهم على ويش الحسد ؟؟!!

نحسدك أو نغار منك على أنش انخطبتي وجهة نظر غريبه

والعكس صحيح انه احنا نفرح ونتمنى السعاده لها

بس كل واحد واسلوبه وطبعه ويفهم الناس مثل مايحب ^^

همسه ( ماأقصد الكل بس البعض يتغيرون والبعض مافي منهم يصيرون احسن من قبل)

سؤالي لكم ؟؟

في أحد تعرض لموآقف من قَبل كذا؟ وكيف كان تعاملكم مع الناس إللي تغيرت للأسوء؟؟

خصوصا لو كانو من الناس الغاليه على قلوبنا ؟؟

الموضوع شفته بأحد المنتديات عجبني

نقلت الفكره وليس المضمون

اقصد الموضوع جهد شخصي بس الفكره والعنوان منقولين

رايكم يهمني وابي نقاش إن عجبكم

وابي تقولون ليش الي تنخطب تتغير!!

حياك الله عزيزتي رفيعة . نورت منارة تكلم لأراك بك وبكل من يرتادها

اعتقد ان البعض يتغيرن لأن الصداقة لم تكن حقيقية أو كان وراءها هدف فربما تختارها الصديقة لأخيها !!
وأخريات تغيرهن المسؤلية والإنشغال الجديد فقد ملأ حياتهن نصفهن الثاني ومسؤليتهن كبرت لذلك تقل اهتماماتهن بالصديقات مايفسر تجاهلاً وبعداً احياناً.

احيانا يكون التغير نوع من التعالي واحساس المخطوبة بانها اجمل من صديقاتها اللاتي لم يخطبن أو يتزوجن بعد . مع ان كل امرأة جميلة ولكنها مسألة نصيب . فقد ترين الأقل جمالاً تتزوج والجميلة لم يأتِ نصيبها بعد!!

وربما يكون التغير من الصديقات لا من المخطوبة او المتزوجة وذلك بكثرة المزح الثقيل حول الخطيب او الزوج وذكر بعض الأشياء التي يعتقدونها عيوباً وهو ما يجعلها تبتعد عنهن !!


هذه بعض الأسباب ويوجد الكثير ...اتركها للأعضاء الكرام

بارك الله فيك .. تمنياتنا للجميع بحياة سعيدة

بآنتظار اراء الاخرين حول الموضوع

موضوع حلو , يعطيك العافية رفيعة المستوى

هذه الأمور تصير مع أغلب البنات
أغلبها تكون أن البنت صار لها حياة جديدة غير حياتها الاولى
وتفكيرها الاول دايم عن صديقاتها و كلامها وياهم
الحين كل هذا تغير .. صار عندها شخص ثاني تهتم فيه و كلامها وياه
و انشغالها صار أكثر من قبل
طبعا هذا راح يكون في أول الخطوبة او الزواج
بس تالي ترجع لصديقاتها والوضع ايزي
ومثل ما قالت أمنية الكرام .. بعضهم الصديقات هم اللي يتغيرون على المخطوبة
بنت معاي بالمدرسة تقول :: عندي صديقة حيل معاها و انا تزوجت و هي مابعد تتزوج
وانا اللي دايم أدق عليهاو اسأل عنها و هي ماتدق علي نهائيا
و لما تعاتبها و تقول لها ليه ما تسألين .. ترد عليها وتقول :: اانا مششغولة و ماعندي وقت !!
تقول البنت :: انا اللي متزوجة و عندي طفل ما ردّني انشاغلي اني اسأل عليها
............... و انقطعت العلاقة
وبعض الصديقات يغارون من المخطوبة .. ليه هي انخطبت واحنا لا !
احنا الأجمل احنا .. احنا ... ومن هالكلام
فابتعادها عنهم أفضل

اي والله صح
لانها لقيت اللي تتمناه خلاص وش تبي فيك
قابلت في حياتي كثير من هلاصناف لكن ما قول الا مع نفسهم
اللي يسمع نخطبت لامير والا ملك
شكلي طولت عليكي رفوعة
تقبلي مروري..

ههههه ردك حياتي ضحكني

وديعه منوره يالغلا مآننحرم هالمرور

بسم الله الرحمن الرحيم

بالنسبة لي لما ملكت صارت مكالماتي صحيح قليله ليه لاني طبعا مشغوله حضرتي بالجوال مع العريس


يعني عادي احس هذا تصرف يصير عند الاغلب انشغالها بالجوال و المسجات لحبيب العمر


اما بعد الزواج صاروا يقولوا لي ما تنشافي و لا تسألي لكن تعبت و انا اقول


زوجي دوامه شفتات و اسبوع في الشهر بس اللي اقدر اطلع فيه وقت اللي يطلعوا الناس يعني اقصد العصر او الليل

فعشان كذا دائما مشغوله و لاحد يشوفني و اتوقع ان اللي زوجها دوامه شفتات راح تعرف معنى كلامي


و بث


اما المعامله مع الناس يعني من ناحية تكبر او كذا لا مثلها مثل قبل


اللهم التواصل أقل من قبل


الله يعطيك العافيه اختي

بصراحه موضوع ممتاز

تحياتي ^_*

صرآحه آنا شفت كذا من نآس قريبه مني كنآ اكثر من آصحآب

بس بعد الخطبهـ مآكنها تعرفني

بس انا عندي مافرقت تتغير ع نفسها


الحمدالله على كل حال

.....

البنت اول ماتدخل هالمرحله .. فاكيد تختلف عن حياتها السابقه

اول الخطبه بتكون مشغول مع الخطيب والتجهيز للزواج

لذا عقلها مب فاضي .. مشغوله دايم

وبداية الزواج نفس الشي

لذا المفروض نلتمس لها العذر .. واهي بعدين بتشتاق وبترجع زي قبل .. بس يبي لها فتره

بعضهم للاسف ازواجهم يفرضون عليهم قطع علاقاتها السابقه ويرفض لهم التواصل >> ترى هالشي موجود

الله يدوم التواصل بين الاحباب

تسلمين من الموضوع

ان كان التغير يقتصر على قلة او انعدام اللقاءات فهذا يكون لمسؤوليات الوضع الجديد
و لكن اذا امتد التغير للمشاعر فهنا تتوقف الصديقة لتتساءل عن سبب التغير
الزواج يكسب الفتيات قدرا من الثقة ربما هذا يدفع البعض للتعالي
و البعض ربما ينظرن نظرة سلبية لغير المتزوجات و انهن لا يناسبن الوضع الجديد ..... فهي كانت فتاة تماشي الفتيات و لكنها اليوم امرأة و يجب ان لا تجالس إلا النساء .
و البعض تقدم لهن نصيحة للابتعاد عن كل " بنت " خوفا من ان تقع اعين الصديقات يوما على الزوج فينطبق عليها المثل " خاويني و أخاويك أخذ رجلك و أخليك "

و شكرا رفيعة