مهر الحرية
15-04-2005, 09:08 AM
خلص العام الدراسي وطلعت راسب في الامتحان
رجعت البيت وحصلت الاسد منتظرني وهو غضبان
اتاريـه عـارف بالنتيجه مـن ابن عمي شحفان
قلت فـي قلبـي: بوريـه الدب دومه شغال فتان
عطاني الوالد كفين وبوكس وقال لي: ما في منك فايده انته ولد خربان
تـمـيـت بغرفتـي فوق سريري ملان
اسـمـع اغـانـي هندية لكشور البانيان
قلت: شو يقول هذا بعد..والله انه مغني تعبان
قلت لنفسي: اسمع يا ولد روح شغل الكمبيوتر بدون ما يدري ابوك الطفشان
فتحت باب غرفتي وركضت شوي شوي مثل ركضت الفيران
وصـلـت للكمبيوتر وفتحته وانا اضحك مثل السـبـلان
قالـي الكمبيوتر: يا هلا والله دومك مو شايف خير يا جربان
قلت له: سوي الكونكشن وانته ساكت لسانك طويل ما منه أمان
قالي: عشان ابوك الطيب بسويه لكن انته ولد فسدان
دخلت النت وفتحت على الشات الي بالناس عمران
حصلت اسامي وايد دلوعه سمسومه ونمله ما ناقص الا أشوف عايلة خان
جلست ادور وفي النهايه طاحت عيني على وحده مسميه عمرها كهرمان
سويت كليك على اسمها وكلمتها برايفيت..وقلت لها:يا هلا والله بالرمان
تميت أدعي يا رب ترد على وتكلمني تراني وايد عطشان
نطرت وبعد 5 ثواني حصلت رد صغير وحلو يقول: تسلم لي يا جنتل مان
قلبي دق وطرت من الكرسي مثل الغراب الفرحان
قلت لـهـا: من وين انتي يا زمرد يا فرقدان ؟
ردت على من البلاد العربيه ... وانت يا فلان؟
قلت لها: من بلاد العرب المليانه ظلم وطغيان
قالت لي: صدچت ...والله انك انسان فهمان
قلت لها: شو اسمك وكم عمرك ووين تدرسي ؟؟ اذا بالامكان
بعد هذا السؤال سالت نفسي ..انا شايف خير ولا بعدني جوعان
ردت على وبكل ذوق ...انا اسمي (........) 22 سنه ..جامعيه وانت يا فلان
قلت: أخ هذي اكبر مني وجامعيه بعد وانا بعدني احوس في الثانويه مثل الجربوع العرقان
رديت عليها وقلت: انا اسمي (......) 23 سنه ..واشتغل في مدينة كان
وانا بيني وبينكم ما اعرف شو هذي كان ووين موجوده بس سمعت انه يسوا فيها مهرجان
قـالـت لـي: وشـو تـسـوي يا (......) في كان
قلت لها: الوالد عنده فندق ومخليني مدير عليه وفي الحقيقه الوالد دومه طفشان
قـالـت لـي: على كذا اكيد لفيت أوروبا وانت حيران
قلت لها: انا ما احب اروح الا لندن وباريس مع اني ما رحت الا السودان
قـالـت لـي: اكـيـد كونت صداقات في وايد بلدان
قلت لها: اتعرفت على كثير بس ما اذكر الا جون وميتران
وانـا صـراحـه ما اعرف الا واحد مأذيني اسمه عصمان
كل يـوم يتسلف منـي علـى باله بسوي شـركـة ألبان
سألـتـني شو نوع السياره الي تسوقها يا (.......) يا ابن فلان
قلت لها بورش موديل 2003 وانا ما اسوق الا بيك اب موديل 83 مال ايام زمان وزمان
قـالـت لـي: الله يـزيــدك مـن نـعيمه كمان وكمان
ما انتظرت ردي وسألتني ....انت مرتبط ولا بعدك عايش في عالم العزوبيه والتوهان
قـلـت لـهـا: انـا وحيد وما في حد يشارك قلبي بالأحـزان
قـالـت لـي: انـا هنا جنبك ما رحت ولا بـروح مـكـان
رديـت عـلـيـها وقـلـت: انا كلني لك قلبا وعقلا ووجدان
قالت لي: ابي اسمع صوتك تراك وايد عجبتني حسيت انك انسان فنان
قـلـت لـهـا: وانــا اكـثـر لانـي صرت بـحبك هيمان
بـس اخـاف تـسـمـعـي صـوتـي وتقولـي شو هالطرزان
قالت لـي: ولا يهمك انا قابله فيك حـتـى لـو كنت حـيـوان
عــطـنـي رقـمـك وانـا اتـصـلك خـلال ثــوان
قـلـت لـنـفسي: خلاص البنت ذابت وصار حبي في قلبها مليان
تـونـي بكـتـب الـرقـم واحس بهالساطور فوق كتفي غليان
رفــعـت راسـي فــوق مـثـل الاهـبـل فــزعــان
مـا اشـوف الا الاسـد چـاي لـي مـن عـريـنـه زحفـان
قالي يا ملعون يابن الملعون جالس فوق الكمبيوتر مثل البريعصي الـهربان
امـشـي للـغـرفـه بـوريـك انا بـخليك تغني اغنيه كنت نسيان
وهـو يـسـحـبـنـي مـن رقـبـتـي مثل الكلب الصـعـران
حصلت رساله منها تقول: وينك حبيبي عطنـي رقمك خليت قلبـي ولهان
قلت: مسكينه حبـيبـتـي انا رايح جـهـنم وهي تحسبنـي فـي كان
وما اقول الا آه منك يالشات خليت الناس عايشين في عالم الكذب والخذلان
منقولة
رجعت البيت وحصلت الاسد منتظرني وهو غضبان
اتاريـه عـارف بالنتيجه مـن ابن عمي شحفان
قلت فـي قلبـي: بوريـه الدب دومه شغال فتان
عطاني الوالد كفين وبوكس وقال لي: ما في منك فايده انته ولد خربان
تـمـيـت بغرفتـي فوق سريري ملان
اسـمـع اغـانـي هندية لكشور البانيان
قلت: شو يقول هذا بعد..والله انه مغني تعبان
قلت لنفسي: اسمع يا ولد روح شغل الكمبيوتر بدون ما يدري ابوك الطفشان
فتحت باب غرفتي وركضت شوي شوي مثل ركضت الفيران
وصـلـت للكمبيوتر وفتحته وانا اضحك مثل السـبـلان
قالـي الكمبيوتر: يا هلا والله دومك مو شايف خير يا جربان
قلت له: سوي الكونكشن وانته ساكت لسانك طويل ما منه أمان
قالي: عشان ابوك الطيب بسويه لكن انته ولد فسدان
دخلت النت وفتحت على الشات الي بالناس عمران
حصلت اسامي وايد دلوعه سمسومه ونمله ما ناقص الا أشوف عايلة خان
جلست ادور وفي النهايه طاحت عيني على وحده مسميه عمرها كهرمان
سويت كليك على اسمها وكلمتها برايفيت..وقلت لها:يا هلا والله بالرمان
تميت أدعي يا رب ترد على وتكلمني تراني وايد عطشان
نطرت وبعد 5 ثواني حصلت رد صغير وحلو يقول: تسلم لي يا جنتل مان
قلبي دق وطرت من الكرسي مثل الغراب الفرحان
قلت لـهـا: من وين انتي يا زمرد يا فرقدان ؟
ردت على من البلاد العربيه ... وانت يا فلان؟
قلت لها: من بلاد العرب المليانه ظلم وطغيان
قالت لي: صدچت ...والله انك انسان فهمان
قلت لها: شو اسمك وكم عمرك ووين تدرسي ؟؟ اذا بالامكان
بعد هذا السؤال سالت نفسي ..انا شايف خير ولا بعدني جوعان
ردت على وبكل ذوق ...انا اسمي (........) 22 سنه ..جامعيه وانت يا فلان
قلت: أخ هذي اكبر مني وجامعيه بعد وانا بعدني احوس في الثانويه مثل الجربوع العرقان
رديت عليها وقلت: انا اسمي (......) 23 سنه ..واشتغل في مدينة كان
وانا بيني وبينكم ما اعرف شو هذي كان ووين موجوده بس سمعت انه يسوا فيها مهرجان
قـالـت لـي: وشـو تـسـوي يا (......) في كان
قلت لها: الوالد عنده فندق ومخليني مدير عليه وفي الحقيقه الوالد دومه طفشان
قـالـت لـي: على كذا اكيد لفيت أوروبا وانت حيران
قلت لها: انا ما احب اروح الا لندن وباريس مع اني ما رحت الا السودان
قـالـت لـي: اكـيـد كونت صداقات في وايد بلدان
قلت لها: اتعرفت على كثير بس ما اذكر الا جون وميتران
وانـا صـراحـه ما اعرف الا واحد مأذيني اسمه عصمان
كل يـوم يتسلف منـي علـى باله بسوي شـركـة ألبان
سألـتـني شو نوع السياره الي تسوقها يا (.......) يا ابن فلان
قلت لها بورش موديل 2003 وانا ما اسوق الا بيك اب موديل 83 مال ايام زمان وزمان
قـالـت لـي: الله يـزيــدك مـن نـعيمه كمان وكمان
ما انتظرت ردي وسألتني ....انت مرتبط ولا بعدك عايش في عالم العزوبيه والتوهان
قـلـت لـهـا: انـا وحيد وما في حد يشارك قلبي بالأحـزان
قـالـت لـي: انـا هنا جنبك ما رحت ولا بـروح مـكـان
رديـت عـلـيـها وقـلـت: انا كلني لك قلبا وعقلا ووجدان
قالت لي: ابي اسمع صوتك تراك وايد عجبتني حسيت انك انسان فنان
قـلـت لـهـا: وانــا اكـثـر لانـي صرت بـحبك هيمان
بـس اخـاف تـسـمـعـي صـوتـي وتقولـي شو هالطرزان
قالت لـي: ولا يهمك انا قابله فيك حـتـى لـو كنت حـيـوان
عــطـنـي رقـمـك وانـا اتـصـلك خـلال ثــوان
قـلـت لـنـفسي: خلاص البنت ذابت وصار حبي في قلبها مليان
تـونـي بكـتـب الـرقـم واحس بهالساطور فوق كتفي غليان
رفــعـت راسـي فــوق مـثـل الاهـبـل فــزعــان
مـا اشـوف الا الاسـد چـاي لـي مـن عـريـنـه زحفـان
قالي يا ملعون يابن الملعون جالس فوق الكمبيوتر مثل البريعصي الـهربان
امـشـي للـغـرفـه بـوريـك انا بـخليك تغني اغنيه كنت نسيان
وهـو يـسـحـبـنـي مـن رقـبـتـي مثل الكلب الصـعـران
حصلت رساله منها تقول: وينك حبيبي عطنـي رقمك خليت قلبـي ولهان
قلت: مسكينه حبـيبـتـي انا رايح جـهـنم وهي تحسبنـي فـي كان
وما اقول الا آه منك يالشات خليت الناس عايشين في عالم الكذب والخذلان
منقولة